Articles

Familiar and new elements are part of the latest exhibition by Catrin Williams, who has been creating for 35 years. She discussed the work with Rhiannon Parry.

Dethlu perthyn mewn paent a phwyth

Mae elfennau cyfarwydd a newydd yn rhan o arddangosfa ddiweddaraf Catrin Williams, sydd wedi bod wrthi'n creu ers 35 mlynedd. Bu'n trafod y gwaith gyda Rhiannin Parry.

Un o bedwar o blant a fagwyd ar fferm fynyddig yng Nghefnddwysarn ym mhlwyf Penllyn yw Catrin Williams. Er bod pob un o’r pedwar wedi astudio Celf Safon Uwch, Catrin yn unig a aeth ymlaen i goleg celf – Coleg Celf Caerdydd. Erbyn heddiw, hi yw un o artistiaid cyfoes amlycaf a mwyaf cynhyrchiol Cymru.

Yn ei harddangosfa ddiweddaraf yn oriel Celf Canol Cymru yng Nghaersŵs, ceir cyfle i weld yn agos at gant o weithiau amrywiol ganddi. Cefais olwg arnynt pan es draw i’w chartref ym Mhwllheli i’w holi ychydig wythnsau cyn yr agoriad.

Y gwahoddiad i arddangos yng Nghaersŵs, mewn oriel sy’n enfawr, oedd yr ysgogiad, meddai Catrin, ‘i greu rhagor o weithiau newydd, a hyd yn oed ailbobi ambell un!’